Amdanom ni

 

Ynglŷn â fi a'm tîm

Fy enw yw Peter Tyndall ac fel Ombwdsmon Gwasanaethau Cyhoeddus Cymru y mae gennyf bwerau cyfreithiol i edrych i mewn i gwynion am wasanaethau cyhoeddus yng Nghymru.  Yr wyf hefyd yn ymwchilio i gwynion bod aelodau cyrff llywodraeth leol wedi torri cod ymddygiad eu hawdurdod.  Yr wyf yn annibynnol o bob corff cyhoeddus.

Y mae gennyf dîm o bobl sy'n fy nghynorthwyo i ymchwilio cwynion.  Y mae'r gwasanaeth yr ydym yn ei ddarparu yn ddiduedd ac yn rhad ac am ddim. 

Mae'r weledigaeth, gwerthoedd, pwrpasau, dibenion a'r nodau strategol yr ydym wedi gosod ar gyfer ein gwasanaeth wedi'u gosod isod. 

 

Ein gweledigaeth

Cyfrannu at ddatblygiad gwasanaethau cyhoeddus rhagorol yng Nghymru trwy sicrhau bod darparwyr gwasanaethau’n parhau i werthfawrogi a dysgu gwersi trwy gwynion.

 

Ein gwerthoedd

Hygyrchedd – bod yn agored â phawb yn ein holl gymunedau a gweithio i sicrhau nad yw pobl sy’n gwynebu sialensau o ran argaeledd yn cael eu hallgau. Byddwn yn gwrtais, yn dangos parch, a byddwn yn hawdd i siarad ag. Byddwn yn cyfathrebu ag achwynwyr yn y dull maent yn ddweud wrthym sydd orau ganddynt.

Rhagoriaeth – bod yn broffesiynol ac awdurdodol ym mhopeth yr ydym yn ei wneud a hyrwyddo rhagoriaeth yn y gwasanaethau yr ydym yn gweithio â hwy.

Dysgu – credwn y dylem wella trwy ddysgu o’n profiadau ein hunain ac y dylem helpu eraill i ddysgu o’u profiadau hwythau.

Tegwch – byddwn yn cadw’n hannibyniaeth ac yn gwneud penderfyniadau mewn ffordd wrthrychol ar ôl ystyried y ffeithiau’n ofalus.

Effeithiolrwydd – byddwn yn gwneud yn si ˆ wr ein bod yn defnyddio adnoddau i sicrhau gwerth gorau i goffrau’r wlad.

Bod yn gyflogwyr da – byddwn yn parhau.

 

Ein dibenion

  • Ystyried cwynion yn erbyn cyrff cyhoeddus.

  • Ystyried cwynion sy’n honni bod aelodau awdurdodau lleol wedi torri’r cod ymddygiad.

  • Cywiro pethau – yr ydym yn ymdrechu i roi pobl yn y sefyllfa y byddent ynddi pe na baent wedi dioddef anghyfiawnder, a gweithio i sicrhau’r canlyniad gorau posibl os oes anghyfiawnder wedi digwydd.

  • Cydnabod a rhannu arferion gorau.

  • Gweithio â chyrff cyhoeddus i sicrhau bod y gwersi sy’n dod i’r amlwg trwy ein hymchwiliadau’n cael eu dysgu.

  • Sicrhau gwelliant parhaus mewn safonau gwasanaethau cyhoeddus yng Nghymru trwy gynorthwyo cyrff cyhoeddus i wneud pethau’n iawn y tro cyntaf – byddwn yn gweithio i leihau nifer y cwynion trwy weithio.

 

Nodau strategol

Nod Strategol 1: Codi ymwybyddiaeth o’n gwasanaeth i alluogi pobl i ddeall yr hyn yr ydym yn ei wneud, a bod pawb sydd ei angen yn gallu cael gafael arno a’i ddefnyddio.

Nod Strategol 2: Bod â phrosesau o safon uchel ar waith i ddelio â chwynion, sy’n ystyried ac yn penderfynu ar gwynion mewn modd trylwyr ond cymesur, ac sy’n cyfleu penderfyniadau’n eglur.

Nod Strategol 3: Gweithio â chyrff cyhoeddus yng Nghymru i sicrhau bod gwasanaethau cyhoeddus gwell yn cael eu darparu o ganlyniad i’r gwersi y gellir eu dysgu o’r cwynion yr ydym yn ymchwilio iddynt.

Nod Strategol 4: dangos bod ein hadnoddau’n cael eu defnyddio’n effeithlon ac effeithiol.