Croeso i wefan Ombwdsmon Gwasanaethau Cyhoeddus Cymru

Mae'r Ombwdsmon yn edrych i weld a yw pobl wedi cael eu trin yn annheg neu'n anystyriol, neu wedi cael gwasanaeth gwael oherwydd bai ar ran y corff cyhoeddus a oedd yn ei ddarparu. Mewn geiriau mwy swyddogol, prif rôl yr Ombwdsmon yw i edrych i mewn i gwynion gan aelodau o'r cyhoedd eu bod wedi dioddef cam neu galedi drwy gamweinyddu neu fethiant gwasanaeth gan gorff o fewn ei awdurdodaeth.  

Gall yr Ombwdsmon edrych i mewn i gwynion am lywodraeth leol, y Gwasanaeth Iechyd Gwladol - gan gynnwys Meddygon Teulu - cymdeithasau tai, a'r Llywodraeth Cynulliad Cenedlaethol Cymru. Mae rhestr lawn o’r math o gyrff y mae’r Ombwdsmon yn gallu ystyried cwynion yn eu cylch ar gael yma.

Os yr ydych yn dymuno cwyno i'r Ombwdsmon am gorff cyhoeddus, fe fydd fel arfer yn disgwyl ichi fod wedi cwyno i'r corff hwnnw er mwyn iddo gael y cyfle i ymateb i'ch pryderon.  Er hynny, os yr ydych eisoes wedi cwyno ac yn dal i fod yn anfodlon, gallwch gwyno i’r Ombwdsmon.  Mae ei rôl a phwerau wedi'u diffinio gan y Ddeddf Ombwdsmon Gwasanaethau Cyhoeddus (Cymru) 2005.  

Gall yr Ombwdsmon hefyd ystyried cwynion bod aelodau o awdurdodau lleol wedi torri cod ymddygiad eu hawdurdod. Mae'n ystyried y fath gwynion o dan darpariaethau Rhan III deddf Llywodraeth Leol 2000 a hefyd Gorchmynion perthnasol a wnaethpwyd gan Gynulliad Cenedlaethol Cymru o dan y Ddeddf honno.

Peter Tyndall yw’r Ombwdsmon presennol. Mae’r gwasanaeth y mae ef a’i staff yn ei ddarparu yn annibynnol, yn ddiduedd, ac yn rhad ac am ddim. 

The Ombudsman looks to see whether people have been treated unfairly or inconsiderately, or have received a bad service through some fault on the part of the public body providing it. Putting that in more official terms, his main role is to look into complaints made by members of the public that they have suffered hardship or injustice through maladministration or service failure on the part of a public body within his jurisdiction.